Читайте часто салават на пророка Мухаммада саллаллагьу алейгьи ва саллям

Идавсин саллаллагьу аьлайгьи ва саллям салават дутияра

Идавсил саллаллагьу аьлайгьи ва саллям, увкуну бур: «Ттул цIа кIицI ларгукун салават къадурма - мяшсса инсанни», - куну. Цамур хIадисраву увкуну бур мукунсса инсаннан «… Алжаннавунсса ххуллу хъама битантIиссар», - куну.

Халкьуннаясса салават - МухIаммад идавсинсса саллаллагьу аьлайгьи ва саллям, цIими ва барачат Аллагьнахь чIа учавури. Салават дутаврил дакIнива пашманшиву дуккан дайссар, буржирдая ххассар айссар, аьркинсса тIалавшинна щаллу дайссар.

Салават дутайсса чIунну

Идавсин саллаллагьу аьлайгьи ва саллям, салават дутайсса чIунну:

• Азанналул хъирив, чакливу аттахIиятулул хъирив, жаназалул чакливу кIилчинмур такбирданул хъирив, цамур чIумал дуаь дуллалиний.
• Мусульмантал бавтIсса мажлисирттай ва имамнал вяъза буллалини, нюжмар кьинисса ва байраннал кьинирдайсса хутIбалуву.
• ХIажлив Сафа ва Марва зунттурдай
• Идавсил саллаллагьу аьлайгьи ва саллям, цIа кIицI ларгсса чIумал.
• Идавсил саллаллагьу аьлайгьи ва саллям, гьаттайн зиярат бувсса чIумал.
• Байрамрал кьинирдайсса дуаьрттаву.
• ЛяличIийсса салават дутайсса чIун - нюжмар хьхьу, нюжмар кьини ва мунил хъиривсса хьхьу.
• Кьуръан бувккуну махъ.
• ЗахIматшиву, пашманшиву дусса чIумал, бувмур багъишла бити тIий чIа тIиний.

Даража лавайсса салават Идавснайн саллаллагьу аьлайгьи ва саллям:

«‎Аллагьумма ссалли аля саййидина Мухаммадиниль фатихи лима угъликъа валь хатими лимасабакъ. Насириль хакъкъи биль хакъкъи валь гьади иля ссиратикаль мустакъим ва аля алигьи хакъкъа къадригьи ва микъдаригьиль азым»‎

أَللَّهمَّ صلِّ عَلى سَيّدِنا مُحمّدٍ الْفاتِح لِما أُغلْقَ والْخاتِم لِما سَبقَ ناصِر الحَقِّ بالحَقّ وَالهادِي إِلى صِراطِك المُستَقيمْ و عَلى آلِه حَقّ قدْرهِ و مِقدارِه العَظيمْ