Хъама мабитав буккин

КIюрххил ва гьанттайнмай хъама мабитав буккин

• «Аятуль-Курси́».
• Сура «Аль-Ихляс» (3-ва).
• Сура «Аль-Фалякь» (3-ва).
• Сура «Ан-Нас» (3-ва).
• Дуаь.

«Аятуль-Курси́»

Убайлул цIувххуну бур (жиндалухь):

«Жу зуяту ссал буруччайссару?» Жиндалул жаваб дулуну дур: «Аль-Бакьара» тIисса суралувасса «Аятуль-Курсилул». Ва аят кIюрххил бувккума гьанттайннин жуяту урувччуну уссар, гьанттайнмай бувккума кIюрххилнин урувччуссар».

Чани шайхту Убай лавгун МухIаммад ИдавсичIан [саллаллагьу аьлайгьи ва саллям] цанма ккавкмур бувсун бур. Идавсил [саллаллагьу аьлайгьи ва саллям] увкуну бур: «Ганил вихь тIайлану бувсун бур, цуппа мурдалсса бунугу» (ан-Насаи, ат-ТIабарани, Ибн ХIиббан).

Сурарду «Аль-Ихляс», «Аль-Фалякь» ва «Ан-Нас»

Аьбдуллагь ибн Хубайблул бувсун бур Идавсил [саллаллагьу аьлайгьи ва саллям] цахьва увкумур: «Букки "Кьуль гьува-Ллагьу ахIад" («Аль-Ихляс») ва кIива "буруччайсса" сура («Аль-Фалякь» ва «Ан-Нас») шам-шамилва гьарца кьини кIюрххил ва гьанттайнмай, миннул ина уруччинтIиссара цимурца оьшивурттая (ат-Тирмизи, Абу Давуд, ан-Насаи).

Дуаь

Ялагу Идавсил [саллаллагьу аьлайгьи ва саллям] увкуссар: «Гьарца кьини кIюрххил ва гьанттайннай шамилла ва дуаь дуккайманан ссалчIав зарал биян къабувантIиссар:

 بِسْمِ اللَّهِ الَّذِي لَا يَضُرُّ مَعَ اسْمِهِ شَيْءٌ فِي الْأَرْضِ وَلَا فِي السَّمَاءِ وَهُوَ السَّمِيعُ الْعَلِيمُ

«БисмиЛля́гьи ллязи́ ля́ язурру мааьсмигьи́ шай’ун филь-арзи ва ля́ фи-с-сама́и, ва гьува ссами́оьль-аьли́м».

Мяъна: «Аллагьнал цIанищал, аьрщарайгу ссавруннайгу ссаячIав зарал къабияйсса. Заннан гьарзад баяйссар, кIулссар».

Вай сурарду ва дуаьртту ккаларча, жува Аллагьнал цIимилийну буруччинтIиссару янил шаврия, бахIурдая ва гьарца оьмуния.