Намаз истихара

Инсаннан ца зад буван дакIнин багьарча, ягу ссапарданий гьан кьаст дуварча, му бувну хъиннивав, къабувну хъиннивав тIий таш-вишрай ухьурча, Идавсил [саллаллагьу алейгьи ва саллям] амру бувну бур истихарданул чак бувача куну. Цалвагу мукунсса иширавун агьукун буллай ивкIссар. Гьарца ишираву бавугума суннатссар.

Му чак бувайсса куцгу – кIира ракааьт дувайссар утту ишиннин. Цал «На нийят дурунни истихарданул чаклил кIира ракааьт дуван суннатсса хъунасса Заннан Аллагьу акбар», – куну бахIинссар.

Яла «АльхIам» (сура «Аль-Фатиха») буккинссар, яла хьхьичIмур ракааьтрай «Кьуль я айюгьал кафируна» (сура «Аль-Кафирун») буккинссар. Махъмуний «Кьулгьу» (сура «Ихлас») буккинссар.

Сура «Аль-Фатиха»

Сура «Ихлас»

Сура «Аль-Кафирун»

Яла салам буллуну ва дуаьгу дуккинссар:

«Аллагьумма инни астахирука биэлмика ва астакьдирука би кьудратика ва асъалука мин фазликал аьзими фа иннака такьдиру ва ла акьдиру ва таъламу ва ла аъламу ва анта аьлламул гъуюб. Аллагьумма ин кунта тяъламу анна гьазаль амра хайрун ли фи дини ва дуньяя ва аькьибати амри ва аьжилигьи факьаддиргьу ли ва барикли фигьи сумма яссиргьу ли. Ва ин кунта таъламу анна гьазаль амра шаррун ли фи дини ва дунъяя ва аькьибати амри ва аьжилигьи ва ажилигьи фасрифни аьнгьу васрифгьу аьнни ва кьаддирли хайра айна ма кана иннака аьла кулли шайин кьадир».

Общий смысл дуа:

«О мой Аллагь, я прошу Тебя выбрать лучшее Твоим знанием, я прошу силы от Тебя посредством могущества Твоего, поистине, Ты можешь, а я не могу, Ты знаешь, а я не знаю. О мой Аллагь, поистине, мое дело, намерение (здесь упоминается то, что вы намерены сделать), если полезно для меня, моей религии, для мирских дел, для исполнения моих планов будущих и настоящих, то сделай это судьбой для меня и ниспошли мне благодать (баракат) в этом деле и облегчи мне его совершение. А если это дело (здесь также упоминается то, что вы намерены сделать) вредно для меня и моей религии, для мирских дел моих, для моих планов, будущих или настоящих, отврати его от меня и приблизь то, что лучше, где бы оно ни было, и удовлетвори меня этим».

Яла кьиблалин лажинну уттуивхьуну шананссар, чаклингу ивссуну уна, урчIамур кагу бакIралу дирхьуну, ци макI ккаккайрив ххал дуван. Агар щюллисса я кIяласса зад ккаккарча, я ивкIусса я уттавасса инсаннал цахьхьунна зад дуллай ккаккарча хъиншиврул аьламатри, дувача му зад. Я лухIисса я ятIулсса зад ккаккарча, ягу ивкIусса ягу уттавасса инсаннал цащара зад ласлай ккаккарча къахъинссар, мабарача. ЦичIав къаккаккарчагу кIира шанна хьхьуну ккакканнин булланссар.

«НасихIатуль-аьвам» («ГьунчIукьатIан»)