Кулпат баву

Кулпат – жяматрал гьанури, чара бакъасса бутIари. Кулпатраву дулайссар тарбия оьрчIан, ялун нанисса никиран. Исламраву хъуннасса агьамшиву дуллуну дур кулпатравусса, гъанминнащалсса арарду цIакь баврин. Буцинну му иширан хас бувсса цаппара хIадисру.

Абу Гьурайрал бувсун бур Идавсил [саллаллагьу аьлайгьи ва саллям] увкусса махъру:
«Инсан дунияллия лавгукун, мунал хъинсса аьмаллу къуртал шайссар, шанма личIаннин: садакьа-джария (бухкъалагайсса садакьа, масала, бувгьусса мурхь, бувсса ххуллу, ламу, мизит ва м.ц. халкьуннан мюнпат бусса садакьа); инсантуран мюнпат буллалисса, хайр бусса элму; нитти-буттаха дуаь дувайсса оьрчI-душ». (Муслим).

«ХIакьну, муъминтураву яла цIакьмур иман дуссар хъинсса хасият думанал ва цала кулпатран хъиншиву, цIими бувайманал». (ат-Тирмизи).

«Хъунив хьусса нину-ппу аяькьа дакъа кьабивтминнан баябуршиву хьуннав. Мукунсса инсан Алжаннавун къауххантIиссар». (аль-Бухари).

МухIаммад Идавсил [саллаллагьу аьлайгьи ва саллям] увкуну бур:

«Маччаминнащал дахIаву дулувара ссалам булаврийнувагу». (ТIабарани).

МухIаммад Идавсил [саллаллагьу аьлайгьи ва саллям] увкуну бур:

«Маччаминнащал дахIаву дулувара ссалам булаврийнувагу». (ТIабарани).

«Ца динар Аллагьнал ххуллий, ца динар лагъ тархъан уван, ца динар садакьалун ва ца динар вила кулпатран харж дуварча, яла хъунмамур чири хьунтIиссар кулпатран харж дурсса динарданух». (Муслим).