Халяль - это образ жизни

«ХIалал» тIисса махъ аьраб мазрай «бучIисса» тIиссар, хаснува му бакьлай бур дукралуцIун. ХIайван биххаврил дур хасъсса тIалавшинна. ХIан, дунгъузрал дикI къадагъа дуллай бур

«ХIалал» тIисса мукъул ххуйшиву ссаву аьчхъанай дур чирча, мунил буслай бур бучIимуния ва къабучIимуния, дукра хьуннав, тIуллу хьуннав. ХIакьину дунияллий ялапар хъанай бур 18 миллион бусурманнал. Рынок хьхьичIунмай хъит тIиссаксса хIалалну оьрму бутлатисса инсаннал хьхьичIгу тIитIлай дур бизнес хьхьичIуннай дувансса каширду.

Rew Research центрданул ахттаршиннардайн бувну, 2015-ку шиналсса сияхIрай дунияллий ялапар хъанахъисса халкьуннал 24,1% хIисавну бур бусурман агьулданун. ХIакьинунийн му аьдад хъунна хьуну дур ва ттигу лахъ хьун тIий дусса дур 1,8 миллиардрая 70 процентрайн бияннин. Ислам хъит куну хьхьичIуннай най дур, хIакьину му дур дунияллул диннаву кIилчинмур кIанттай, Ххачпараснал диндалул хъирив.

ХIалалсса индустрия так ца дукралий дакъассар дарцIуну. ЧIярусса инвестицияртту дукIлай дуссар кIулшиву дулавривун, цIуллу-сагъшиву дуруччаврил хIаллихшиннардайн, маданиятравун, магьирлугъравун, туризмравун, арцуйн, косметика итабакьаврийн, модалийн. Бусурман  агьлу чансса бусса билаятирттайгума хъунна хъанай дур хIалалсса производство машгьур дувансса давурттахсса къулагъас.

Бусурманналгу, къабусурманналгу язи дугьлай бур хIалалмур. Исламрал жунма ккаккан буллай бур жула цIуллу-сагъшиврул ялув бацIан, заралну дацIаймуния махъунмай хьун, му жунма каши ххисса Аллагьнал аманат буллай уну тIий. ХIалалну бутлатисса оьрму – му саргъунсса оьрмур, дунияллущалгу, тIабиатращалгу бавкьусса.

Чурххан зарал биян байсса затру хIала дакъасса цIуллусса дукра, хIалалсса даруртту, хIалалсса кIанттурдайн аьрххилий лагаву, исламрал банкинграл аралий арцу лякъаву му так ца бусурманнал бакъасса щалагу инсаниятрал ялувсса буржри. 

Му аьмсса тIалавшиннар, аьмсса мурадри, аьмсса ихтиярди. ХIалалмуниясса мюнпатгу, хайргу хъунмассар. ХIалалсса хъус итадакьлакьисса компанияртту хIакьину хъинну тIалавну дур, миннал муштаритал щала дунияллий буссар. Цала-кIантту тIивтIуну бур Австралиянаву, Малайзиянаву, Европанаву, США-наву ва Азиянаву. Ххари хьунсса иш бур хIалалсса хъуслинсса муштаритал чIяву хъанай бушиву - дукралул, косметикалул, фармацевтикалул арардаву. ЧIалачIиссаксса хIалалсса хъуслиясса мюнпат жяматран бувчIуну бур.

2060 шинайн бияннин бусурман кIилий чIяву хьун тIий бур. ХIалалсса рынокрайн буккансса каширдугу ялтту дишин тIий дур ХIалалсса хъус итталу дикIан тIий дур: дукра, туризмалул хIаллихшиннарду. Ларай хьунтIиссар цIуллуцIакьсса муттаэшиву. Ххи хьунтIиссар ххуйсса, хъинсса хъус итаракьлансса цIуцIусса каширду. Цири яла жунна,муштаритуран аьркинсса?