ФатIима
Великие женщины Ислама на лакском языке, Фатима (да будет доволен ею Аллагь) дочь пророка Мухаммада (мир ему и благословение Аллагьа)
Фатима Алиева
ФатIима [разияллагьу аьнгьа]
ФатIима [разияллагьу аьнгьа] – яла ххирамур душри
ФатIима [разияллагьу аьнгьа] – МухIаммад Идавсил [саллаллагьу алейгьи ва саллям] яла ххирамур душри, ганил нину – Идавсил [саллаллагьу алейгьи ва саллям] кулпат Хадижатри [разияллагьу аьнгьа]. ФатIима [разияллагьу аьнгьа] – Исламрал тарихраву ца яла бюхттулсса хъамитайпар, га бивкIссар цIими бушиврул, дакI тIайлашиврул, марцIшиврул, кьянкьашиврул ва вихшала душиврул мисалну.
ФатIима [разияллагьу аьнгьа] бивкIссар эбадатраву чялишсса, бала-апатIирттачIа ссавур дусса, Идавсил [саллаллагьу алейгьи ва саллям] хъуншиву ва бюхттулшиву кIулсса хъамитайпа. Ганил Идавсияту [саллаллагьу алейгьи ва саллям] хъинну чIярусса хасиятру ларсъссар, сайки Аьишал [разияллагьу аьнгьа] увкуну бур:
«Ттун цама инсан къаккавксар такссава гужну МухIаммад Идавсиха [саллаллагьу аьлейгьи ва саллям] лархьхьусса занакьалашин, тIул-тIабиаьт, хасият ва багьу-бизу бусса» (Тирмизи).
ФатIима [разияллагьу аьнгьа] бивкIссар цила буттал чул бищайсса цIакьсса ттарцIну, сайки ганийн «цила буттал нину» учайсса бивкIун бур. Ганил циняв иширттаву гьурттушин дайсса диркIун дур: бусурманнал гъазаватирттаву – санитаркану, диндалул иширттаву – дурккучу-аьлимчуну ва м.ц.
ФатIима [разияллагьу аьнгьа] бивкIун бур эмаратсса, чIалачIин лап ххуйсса, дакI хъинсса, кIукIлусса, хIалимсса, иминсса инсан. Мудан тIайламунил чул бугьайсса бивкIун бур, тачIав щялмахъ бувсун бакъар.
Идавсин [саллаллагьу алейгьи ва саллям] ФатIима [разияллагьу аьнгьа] хъинну ххирану бивкIун бур, га ялун буххайхту лавай ивзун, душнил ненттабакIрайн ппай учайсса бивкIун бур. ХIадисраву увкуну бур:
«ФатIима ттул чурххал касак кунмассар, ванин къаччан бикIан бувманал ттун къаччан бикIан бувссар» (Аль-Бухари). Гагу цила бутта ххирану, мудан ганахлу буккан хIадурну бивкIссар.
Ца кьини Идавс [саллаллагьу алейгьи ва саллям] чакливу сужда буллай унува ца диндакъул ганайн бивкIусса хIайвандалул вихссака дирчуссар, гай дукьан аьтIий левчунма ФатIима [разияллагьу аьнгьа] бувкIссар. Ганил иттав макь ккарккукун, Идавсил [разияллагьу аьнгьа] душ паракьатгу бувну, баян бувссар Заннал цанна ххувшаву дулунтIишиву.
Аллагь Тааьланал амрулийну Идавсил [саллаллагьу алейгьи ва саллям] ФатIима [разияллагьу аьнгьа] щар буллуссар цала ссурахъирн Аьли-асхIаблун [разияллагьу аьнгьу]. Мискинну бунугу, ФатIимал [разияллагьу аьнгьа] ва Аьлил [разияллагьу аьнгьа] цачIусса оьрму талихIсса бивкIссар.
ФатIимал [разияллагьу аьнгьа] тIабиаьтравусса яла бюхттулмур хасият диркIссар иминшиву. Ца чIумал Идавсил [саллаллагьу алейгьи ва саллям] ганихь цIувххуссар хъамитайпалун яла хъинмур цир, куну. «Яла хъинмур – ттун чил инсантал къаккаккаву ва чил инсантуран на къаккаккавур», – увкуссар ФатIимал [разияллагьу аьнгьа]. Микку Идавсил цала душ ххирагу бувну увкуссар: «Гъансса дакIру кунниха ку лархьхьусса дикIайсса дур», – куну.
Бургияра ФатIимал [разияллагьу аьнгьа] иминшиву, буттайн ва ласнайн мютIишиву! Гай хасиятгу жуннагу лахьхьин аьркинссар, ххирасса ссурвал!
Источник: https://t.me/prosveshenie_zh/2364
Перевод: Иса Омаров
