Кьамул къабайсса цадакьа
Какое пожертвование (садака) не принимается?
Газета Ас-Салам на лакском 
Какое садака не принимается Всевышним
Нанижат
Бусурманчунал дуллалисса гьарца тIулданун кьимат бищайссар мунал дакIнивусса нанижатраха лавхьхьуну. ТIайласса ният
дакъахьурча, бувсса хъинбалалул чири ххиттуйн буккан бюхъайссар. Мува куццуй, гьарца кьини дуллалисса давугу эбадатрайн кIура даянтIиссар, дагьайкунсса нанижат духьурча.
ДакI марцIсса инсаннал гьарца хъинбала бувайссар так Аллагьнал рязишиву тIалав дувансса ниятращал. Агарда цадакьа булурча халкьуннан цува чIаланшиврул ягу каши дусса ушиву ккаккан буваншиврул – мукунсса цадакьа Аллагьнал кьамул къабувайссар.
ХIалалсса хъус-маэшат
ХIарамсса ххуллий ляркъусса хъус хIарамссар, миннуя бувсса цадакьагу цадакьалун къаккаллиссар, Заннал кьамул къабувайссар.
Лахъуни баву
Цал-цал кIия инсаннал дянив къалмакъал хьусса чIумал, цаннал гаманан бувсса кумаг-кабакьаву, цадакьа дакIнин бутлан бикIай. Му къагьану, цайминнахьгу буслан бикIай, на та инсаннан вайксса-тайксса цадакьартту бувссар, та ттуйн барчаллагьрай икIан къааьркиннив, тIий.
Му куццуй цадакьалух цанма багьлагьисса чири ччуччин бувну бухлаган буллалиссар.
Бунагьсса ххуллий ишла бувансса цадакьа
Бунагь буван кабакьаву дурма цувагу бунагь бувайману ккаллиссар. Му куццуй, хIарамсса задран ишла бувантIишиву кIулну бунува цадакьа бавугу бунагьссар. Мукунсса цадакьалия кумаг къашайссарча, заралли хьунтIисса. Масалларан, хIан ласун, зуна буван, аьркин бакъасса тIуркIурдай буккан арцу дулурча, му цадакьа бакъарча, бунагьраву гьурттушин давур.
