Кьуръандалувусса элмийсса кьюлтIшивуртту

Секреты Корана, научные данные из Корана, Коран в цифрах. Священная книга мусульман - Коран содержит в себе много научно доказанных фактов.

Кьуръандалувусса элмийсса кьюлтIшивуртту
Кьуръандалувусса элмийсса кьюлтIшивуртту

Тамашасса зат бур

Ялавай кIицI лаганну Кьуръандалул луттираву саргъунну тикрал хъанахъисса мяъна ца дусса цаппара махъру.

Кьуръандалул луттираву «кьини» тIисса махъ ца числорай тикрал хъанай бур 365, чIяру числорай «кьинирду» тикрал хъанай бур 30-ва, «барз» тIисса махъгу 12-ва.

«Арулла ссав», «ссавруннал Заллу» тIисса цачIун був махъру тикрал хъанай бур Кьуръандалуву арилва.

«ТанмихI» тIисса махъ кIицI лавгуну бур 117-ва, мунищал архIал бивхьуну «багъишла бити» тIимур махъ тIурча ишла буллай бур кIилийну ххишалану – 234-ва.

«Буси», «увкунни» тIисса махъру ишла бувну бур архIалну (332-ва).

МахIатталсса зат бур «Алжан» ва «Дужжагь» тIисса махъругу архIалну 77-ва кIицI лаглагаву.

ХIисав буллан бивкIукун «аьрщарайсса оьрму» тIисса махъ ишла бувну бур 115-ва, мукунма архIалну, 115-ва ишла бувну бур «абадул оьрму» («ахират») тIисса махъгу.

Кьуръандалул луттирал бур ялагу ца хIучча – хъинбала-хъиншивурттан хас бувсса. «Хъинбала» тIисса махъ тикрал хьуну бур 6-ва, «оьккисса» тIимур махъ тIурча шамлий чанну.

АрхIалну, 197-ва тикрал хьуну бур «кьисас» ва «мархIаматру» тIисса махъру.

Пикри бувара, «ччаву» ва «увкумур баву» тIисса махъругу архIалну 83 тикрал хъанаврил ялувгу.

«Адамина» ва «хъамитайпа» тIисса махъру Кьуръандалуву хьунабакьлай бур 23-ва.

МахIатталсса зат бур, инсан ниттил лякьлуву хIасул хъанахъинисса хромосомирттал аьдадгу 23-нна душиву ва миннул аьдадгу Кьуръандалуву тикрал хъанахъисса «адамина» ва «хъамитайпа» тIисса мукъурттил сияхIращал тIайла дацIлай душиву. Ниттил лякьлуву оьрчI хIасул хъанахъинисса хромосомирттал аьдад дур 46 дирсса, миннува 23 хромосом бур буттал, 23 хромосом ниттил.

Кьуръандалуву архIалну 16-ва кIицI лаглай бур «кьадаршиву» ва «хаиншиву» тIисса махъру.

Ялагу тамашасса зат цамургу бур, «кьири» тIисса махъ Кьуръандалуву 13 хьунабакьаву ва «хьхьири» тIимур махъ тIурча 32-ва кIицI лаглагаву. Вай кIивагу махъ аьмну тикрал хъанай бур 45-ва. Вайннул жямлийх (45) «кьири» тIисса махъ тикрал хъанахъисса число дачIирчан хъанай бур 28,88888889%. «Хьхьири» тIимур махъ тикрал хъанахъисса 32 число аьмссаннуйх дачIирчан, шиккугу хъанай дур 71,11111111%. МахIаттал хьунсса зат бур элмийсса ахттаршиннардайнугу щалагу дунияллий 28,8% ва 71,1% (процентру) кьирил ва хьхьирил бувгьуну бушиву исват баву.

Вайгу, цаймигу цикссагу ахттаршиннардал ккаккан буллай бур Кьуръандалул луттирал элмийсса бияла, (Хъунасса Заннал каши-кьудрат кунма) вайми луттирдаяр цимивагу даражалул лавайсса бушиву.

Укунсса иширттал ялув жува цимилгу мукIру шару (мяъна): «Уча (Я МухIаммад): «Агана инсантурал ва жиннал Кьуръандалуха лавхьхьусса лу сакин баву мурадрай, цала бюхъурду цачIун булларчангума, миннаща цукунчIав къахьунтIиссия му даву дузрайн дуккан дуван» («Аль- Исраъ» суралул 88-мур аят.