Ватан
Стихотворение на лакском про Родину
Патимат Рамазанова 
Ва Ватан жун дуллу Зал
Ппабакlуйн баргъ щуну бур,
Щуну-Зунттуй дюхлу дур.
Жу Лакку билаятрай,
Яйлагърай—зияратрай.
Щюлли бартбису бувтун
Вацlилу бур къутl бивкlун,
Ратlухсса цlуттуруллай,
Чlимучlалтгу бур ликлай.
Ттурчlи. Ттурчlайнна-Зунтту,
Някl ттуруллавух лултту,
Хlикматсса зурул чаннай
Караматну бур чlалай.
Кlюрххи-кьуннил Къимизу
Бакбислай бур хьхьемаву,
Хьхьев-хьхьев тlий гьанай-гьанай,
Чlаракlлу дур щирикlлай.
Жюр-жюр тlий ратlругу дур,
Къявхъа тlий щаращив бур,
Мийннул такьва-макьаннай
Жул макьугу дур дакьлай.
Лаккуйн биян къавхьуну,
Дачlи шин хьурча ххину,
Жун дуниял духлагай,
Биян хьурча — цlулагай!
Някl ссавнил, щюлли зунттал
Дазурду хlала духхай.
Ва Ватан жун дуллу Зал,
Жул оьрчlангу ядакьай!
Автор: Патlимат Рамазанова, Дагъусттаннал халкьуннал шаэр.
