Нитти-буттаха хIурмат баву
Уважение к родителям в Исламе, стать на лакском языке
Иса Омаров
Уважение и любовь к родителям в Исламе
Нитти-буттаха хIурмат баву, гайннан хъинбала баву – мугу Заннайн мютIишивуну
Абу Гьурайрал бувсун бур:
«Ца инсаннал Идавсихь [саллаллагьу аьлайгьи ва саллям] цIувххуна: "ХIурмат бан яла лайкьма цури?" "Вил нину", - увкуна Идавсил [саллаллагьу аьлайгьи ва саллям]. "Хъирив цур?" – цIувххуна ганал. "Нину", - куна кIилчингу Идавсил [саллаллагьу аьлайгьи ва саллям]. "Хъирив цур?" – цIувххуна ялагу. "Вила нину", – куну жаваб дуллуна шамулчингу. "Яла цур?" – цIувххуна ганал цIунилгу. "Вил ппу",» – увкуна Идавсил [саллаллагьу аьлайгьи ва саллям]. (Бухари, Муслим, Ибн Мажагь).
Имам Нававил [разияллагьу аьнгьу] «Аль-Мингьаж» тIисса луттираву чивчуну бур:
«Ва хIадисраву бувсун бур гъан-маччаминнан хъинбаларду буллан аьркиншиву, хаснува ниттин ва буттан, миннавагу ниттиха ляличIисса хIурмат бикIан аьркиншиву. Нину хьхьичIун дуккан даврил сававгу, аьлимтурал тIимунин бувну, ганил дакIнивусса оьрчIахсса буруккин гьарзассар, ганин тамансса захIматшивуртту ккухIин багьайссар оьрчIал цIаний: лякьлувусса чIумал, байни, ккуккулийсса чIумал, тарбия бувайний, къашавай шайхту ва м.ц.»
