Заннал тIайла бувксса лу
Кьуръан
Газета Ас-Салам на лакском 
Заннал тIайла бувксса лу – Кьуръан
Ва дунияллий гьарцама инсан хIарачат буллан икIай талихIрайн уккан. Му мукъул мяънагу цинявннан личIи-личIину дурчIай. Цаннал талихIну ккалли дувай чурххал цIуллушиву, цаманал – хъус, арцу, шамулчинманал – лахъсса къуллугъ, ваманал – кулпат ва оьрчIру.
КIицI лавгмунил агьамшиву цуксса лахънугу, бусурманчунал хIакьсса талихI ва тIайлабацIу – цаятува Аллагь рязину ушиву кIулшивури. Аллагь рязисса инсан дунияллул ва ахиратрал талихIрайн увкмари, мунал ишругу яла хъинмур куццуй бачинтIиссар.
Бусурманчунал оьрмулул ххуллу ккаккан буллалисса яла агьаммур далил хъанай бур Заннал тIайла бувксса лу – Кьуръан. Ванивусса насихIатру биттур булларча, жува талихIрайн ва мурадрайн буккантIиссару:
- Заннайн иман дишаву.
- Ссавур даву.
- Чак баву.
- Элму лахьхьаву.
- Заннайн щукру баву.
- Хъинбаларду баву.
- Тавба даву.
- Чумартшиву.
- Аьдилшиву.
- Нитти-буттаха хIурмат баву.
- Махъру ва тIуллу цасса дикIаву.
- Иман цIакь даву.
- ХIалимшиву.
- Аллагь кIицI лагаву (зикр).
