Зума дугьаву
Рамазан барз
Газета Ас-Салам на лакском 
Зума дугьаву
Зума дугьаву – Имандалул мукьва бутIул ца бутIар, ссавурданул дачIир, эбадатрал кIулар, тIааьтирттал, хъинбаларттал гьанур, АллагьначIан гъан шаврил ххуллури. Мунивусса фазилартту, хъиншивуртту чIявуссар.
Цайми эбадатирттал аьмаллу халкьуннан ккаккайссар, чIалачIиссар, кIул шайссар, зумарив Аллагьнан дакъа къачIалачIиссар, цаманан кIул къашайссар. Му кьюлтIсса аьмалли, Занная нигьа увсманал дакъа зума къадугьайссар, Занналгу лагъналгу дянивсса эбадатри. Мунийну чурххал шагьват гъагъайссар, дакIнил гьава лещайссар, Аллагь дакIнин агьайссар, щяйтIан-иблис арх шайссар, эбадатрайн гъира багьайссар.
Кьиямасса Кьини халкь бизан бувукун, Аллагьу Тааьланал учинтIиссар Ризваннухь – Алжаннул ялув ацIухь: «Зума дугьлай бивкIсса халкь гьаттавату На мякьну,ккашилну бизан бав, миннанмур Алжаннава дучIан дува» – куну. Яла Ризваннул оьвкуну Алжаннул къуллугъчитурайн: «Нурданул тIабакьру, ланжартту дурцIуну Алжаннул ахъулсри, хIачIия ласияра», – куну, мий ларсун бучIантIиссар
