Лакрал мадраса, дуаь
Стихи на лакском языке, мадраса, дуа
Муса Сулейманов
4134
Стихотворение на лакском языке про мадраса в Кумухе
Утти Гъумук т1ивт1унни
Лакравугу мадраса
Джамалуттиннул ц1асса
Циняв лакран цач1усса.
Гъумук бувсса мадраса
Барачатну т1ивт1 хьуннав
Т1ивт1уминнал барачат
Цинявннангу бияннав.
Мадрасалив дуклакалт
Лакраву гьарза хьуннав
Миннаясса тирханну
Гьарцаннач1ан бияннав.
Дуклаки оьрч1арая
Ххуйсса аьлимтал хьуннав
Ц1у лаган бан гьаз буван
Лакрал аьилмурдал тарих.
Дунияллий машгьур хьусса
Лакравусса аьлимтал
Дуккавриву хьхьич1унну
Цинявннан бусрав хьуссар.
Миннал ливч1у наслулул
Уттигу гьаз дуваннав
Буттахъал дурсса даву
Ц1унилгу ц1у лаганнав.
Амин.
Автор: Сулейманов Муса
