Шяъбан – бусурманнал календарьданул 8-мур барзри

Шяъбан тIисса мукъул мяънагу – «арх буцаву», «личIи шаву» – тIиссар, цанчирча Исламраяр хьхьичIсса заманнай ва зуруй аьрабнал агьали щин ххал дуван ппив шайсса бивкIссар.

Шяъбан – Рамазан зурул хьхьичIмур барзри, мунияту гьарца бусурманчу хIадур хъанан аьркинссар зумадугьавал зуруйн. Диндалул аьлимтурал куну бур:

«Ражаб зуруй гьанна бугьайссар, Шяъбан зуруй щин дутIайссар, Рамазан зуруй бакIлахъия датIайссар».

Ялагу увкуну бур: «Ражаб – цIимилул барз, Шяъбан – марцI шаврил барз, Рамазан – чирилул барз».

Цамур куццуй учин, Ражаб ва Шяъбан зурдардий инсан чан-чанну тIий ялун нанисса Рамазан зуруйн хIадур хъанан икIайссар, цала эбадат гьарза дуллай, зумадугьавал барз бучIайхту рувхIанийсса «бакIлахъия» датIин хьуншиврул.

Шяъбан зуруй зума дугьаву хъинссар, суннатссар

Бувсун бур МухIаммад [саллаллагьу алейгьи ва саллям] Идавсилгу шинавусса зурдардива яла чIяруну суннатсса зумарду ва зуруй дугьайва тIий. Мукун ялув авцIуну циван дугьара куну цIувххусса чIумал Идавсил [саллаллагьу алейгьи ва саллям] увкуссар:

«Ражаб ва Рамазан зурул дянивсса Шяъбан зурух халкьуннал къулагъас къадувай. Му зуруй инсаннал аьмаллу (тIуллу) АллагьначIан гьаз шайссар. Ттун ччай бур ттула аьмаллу гьаз хьусса чIумал зума дургьуну икIан».

Ва хIадисрал тасттикь буллай бур Шяъбан зуруй зума дугьаву фарз (бурж) бакъанугу, дургьуманан хъунмасса чири хьунтIишиву.

ЦIуллу-сагъшиврул заэвманан фаризасса Рамазан зурул зумарду дугьан захIмат къахьуншиврул Шяъбан зуруй къадугьарча хъинссар куну бур. ХIадисравугу увкуну бур: «Шяъбан барз бачIи шайхту зума мадугьари». Ванил мяънагу, вила чурххал гуж щала Шяъбан барз ва Рамазан барз бугьан биял хьуншиву кIулну бухьурча – зумарду дургьуну хъинссар, акъахьурча – Шяъбан зуруй хъиннура чIярусса дугьаву къахъинссар, тивтал буну Рамазан барз хьуна бакьиншиврул.

Бараатрал хьхьу

Шяъбан зурул яла агьаммур хасшиву хъанай дур Бараатрал хьхьу. Му дикIайссар 15-мур хьхьуну. Му хьхьуну аьрщарайн ляличIисса Заннал цIими ликкайссар.

Идавсил [саллаллагьу алейгьи ва саллям] кулпатрал Аьишатлул [разияллагьу аьнгьа] бувсун бур:

«Бараатрал хьхьуну МухIаммад Идавс [саллаллагьу алейгьи ва саллям] тагьажжуд-чак буллай ия. Суждалуву га хъинну лахъи лавгуна. ИвкIунувагу акъарвав тIий нигьагума бувсъссияв. Яла на бивзун ганал хъункIисса сукку бувссия. Ганалгу кIисса сукку бувайхту, на паракьатну ттула кIанайн зана хьура. 

Яла Идавсил [саллаллагьу алейгьи ва саллям] укунсса дуаь дурккуна: 
“Аллагьумма инни аоьзу би-ризака мин сахатIика ва би-муаьфатика мин оькьубатика ва бика минка ля ухIси санаъан аьлайкаа Анта кама аснайта аьла нафсика”.

Чак бувайхту Идавсил [саллаллагьу алейгьи ва саллям] цIувххуна: 
“Гьархьхьунусса ва цукунсса хьхьу дуссарив кIуллив?” “Аллагьнан ва Идавсин [саллаллагьу алейгьи ва саллям] ххуйну кIулссар”, – учав на. “Шяъбан зурул дянивсса хьхьури. Гьархьхьуну Аллагь Тааьла Цала лагъартуннах цIимилийну уругайссар. Багъишла итаву чIа тIутIима багъишла итайссар. ДакIниву оьсса кьастру думиннайн цIими къабияйссар. Заннал ми багъишла къабитайссар дакIру марцI къадуварча”». («Таргъиб ва таргьиб»).

ХIадисраву бувсун бур Бараатрал хьхьуну Аллагьнал циняв багъишла битайшиву, так Цайнма вих бакъами ва диндалул уссур-ссуннайн ссибувцIуми личIаннин. (Ибн ХIиббан).

Цамуниву тIий бур: «Ва хьхьуну Заннал цIими гьарцаннайн бияйссар, так дакIниву оьхIалшиву дургьуминнайн къабиянтIиссар» («Таргъиб ва таргьиб»).

Жунмагу лайкьссар Бараатрал хьхьунин кьимат баву, дакIурдива оьхIалшиву дуккан даву, диндалул уссурваран ва ссурваран хъинбала чIа учаву.

Сура «Ясин» буккаву

ЖучIара аьдат дур Бараатрал хьхьуну шамилва «Ясин» бувккуну, дуаь дувайсса. Цалчин буккайссар оьрму лахъи хьуннав кусса ниятращал, кIилчин – балаапатIирттая буруччиннав куну, шамилчингу – хъусмаэшат гьарза хьуннав куну.

Гьарца «Ясин» бувккутари укунсса дуаьгу дуккайссар

«Бисмиллягьи ррахIмани ррахIим. 

Аллагьумма я заль манни ва ля юманну аьлайгьи. Я Зал-жалали валь икрами. Я за тIтIавли валь инаьм. ла илагьа илла Анта загьра ллажина ва джарал мустажирина ва аманал хаифийна. Аллагьумма ин кунта катабтани эндака фи уммил китаби шакьийян ва махIруман ав матIрудан ав мукьтарран аьлаййя фи ризкьи фамхIу.

Аллагьумма бифазлика шакьавати ва хIирмани ва тIарди ва икьтара ризкьи васбитни эндака фи уммиль китаби саэдан марзукьан муваффакьан лильхайрати фаиннака кьулта ва кьавлукал хIакъу фи китабикал мунзали аьла лисани набийикал мурсали. ЯмхIуЛлагьу ма яшау ва юсбиту ва эндагьу уммул китаб. 

Илягьи биттажаллиль аъзами филайлати ннисфи мин шаъбанил мукаррами ллати юфракьу фигьа куллу амрин хIаким ва юбраму ан такшифа аьнни миналь балаи ма аьъламу вама ла аъламу вама анта бигьи аъламу иннака антал ааьззуль акрам. Ва саллаЛлагьу аьла сайидина МухIаммадин ва алигьи ва сахIбигьи ва саллам».

Перевод

«С именем Аллагьа, Милостивого ко всем на этом свете и на том свете лишь к уверовавшим!

О Аллагь, о Обладатель Милости, не нуждающийся в милости других, о Обладатель Величия и Щедрости, о Обладатель всех благ! Нет бога, которому следует поклоняться, кроме Тебя.

Ты помогаешь тем, кто просит у Тебя помощи, защищаешь тех, кто просит защиты у Тебя, к Тебе прибегают подвергшиеся опасности, Ты являешься безопасностью тех, кто к этому стремится.

Если Ты записал меня (нас) в матери книг заблудшим (и), лишенным (и), изгнанным (и), бедным (и), о Аллагь, Твоей милостью сотри запись о моем (о нашем) заблуждении, лишении, изгнании, бедности и запиши меня (нас) в Хранимой Скрижали в числе благонравных, тех, кому расширены блага и кому благоприятствуют в совершении добрых деяний.

Ты сказал в Своей Книге, ниспосланной на языке Пророка Мухаммада [саллаллагьу алейгьи ва саллям], и слово Твое истинное: Аллагь стирает то, что захочет, и оставляет то, что захочет, и у Аллагьа Хранимая Скрижаль.

О Аллагь! Во имя проявления самой Великой Твоей Милости в срединную ночь Шабана, отведи от меня (нас) беды, о которых я (мы) знаю и о которых не знаю. Ты – Великий и Щедрый.

Благословение Аллагьа и мир господину нашему Мухаммаду [саллаллагьу алейгьи ва саллям], его семье и сподвижникам».

Амин!