Жула оьрчlру
Цими шинаву байбишин аьркинссар оьрчIру ва душру чак буллай?
Газета Ас-Салам на лакском 
Когда и как надо воспитывать детей
Нитти-буттал буржри арулла шин хьуния тинмай оьрчIан бувчIин буллан цалчин шагьадатрал:
Ашгьаду алля илягьа илля Ллагь ва ашгьаду анна МухIаммада-р-расулюллагь.
Мяъна: «На барашинна дуллай ура акъашиврий Зал цама ца Аллагь акъасса, ялагу барашинна дуллай ура мяйжаннугу МухIаммад [саллаллагьу алейгьи ва саллям] ушиврий Аллагьнал гьан увсса идавс».
Яла мунил хъирив лахьхьин буван аьркинссар чаклин иссаву, чак бувайни дуккайсса сурарду, аятру, дуаьрду.
Мукунма, нитти-буттал буржри цаймигу Аллагьнал ккаккан бувсса фарзру биттур буллан, масала, зума дугьаву ва мукунма цаймигу. Миннуя аьркинссар мудан дакIнин бутлан оьрчIан-душваран.
БувчIин буллан аьркинссар дуван къабучIисса, бунагьравун агьайсса затирдая, цанчирча, ми цимурца жула оьрчIан чIумуй лахьхьин къабуварча, хъуни хъанахъиссаксса захIмат шайссар бувчIин буван. Микку нину-бутта цивппа багьлагьиссар бунагьравун.
