Идавсил [саллаллагьу алейгьи ва саллям] дуаьрду

Дуа которые читал пророк Мухаммад [саллаллагьу алейгьи ва саллям] дуаьрду, дуа на лакском языке

Идавсил [саллаллагьу алейгьи ва саллям] дуаьрду
Идавсил [саллаллагьу алейгьи ва саллям] дуаьрду

Дуа которые читал пророк Мухаммад [саллаллагьу алейгьи ва саллям]

Яла чIявуну Идавсил [саллаллагьу алейгьи ва саллям] укунсса дуаь дувайсса диркIун  дур:

«Аллагьумма атина фи-ддунья хIасанатан ва филь ахирати хIасанатан ва кьина аьзаба-ннар» (аль-Бухари, Муслим).

«Я Аллагь, жун ва дунияллийгу ахиратлувугу хъинмур дула, жу дуржагьрал цIаращагу буручча»

Идавсил [саллаллагьу алейгьи ва саллям] амру бувссар ва дуаь дулувара куну:

«Аллагьумма-гъфир лий, вархIамний, ва аьфиний ва-рзукьний» (Муслим).

«Я Аллагь, на бувсса бунагьру багъишла бити, цIими биша, тIайлабацIу хьун бува, хъус-маэшат гьарза бува».

Идавсил [саллаллагьу алейгьи ва саллям] чIяруну ва дуаьгу тикрал дувайва тIар:

«Я мукьаллибал кьулуб, саббит кьалбий аьля диника» (ат-Тирмизи). 

«Я дакIурдил тагьар даххана Дувайма, ттул дакI Вила диндалий цIакь дува».

«Аллагьумма инни асъалюка-льгьуда ва-ттукьа ва-льифафа ва-ль-гъина» (Муслим).

«Я Аллагь, на чIа тIий ура тIайласса ххуллийх ачаву, Вияту нигь дуну икIаву, бунагьирттая уруччаву ва буллугъшиву».

«Аллагьумма инни залямту нафси зульман касиран ва ля ягъфиру-ззунуба илля анта, фагъфир лий магъфиратан мин эндика вархIамний, иннака анта-льгъафуру-ррахIим» (Муслим).

«Я Аллагь, на ттула чурххай чIявусса зулмурду бував [бунагьру буллай], бунагьру багъишла битанмагу Ина акъа акъассар. На багъишла ити Вила ЦIимилийну, ттуй рахIму бува, хIакьну Ина ура багъишла Битайма, цIими Бишайма».

«Аллагьумма аслихI лий дини-ллязий гьува эсмату амрий ва аслихI лий дуньяя-лляти фигьа мааьший ва аслихI лий ахирати-лляти фигьа мааьдий, важаьлиль хIаята зиядатан лий фи кулли хайрин ва-ль-мавта рахIатан мин кулли шарр» (Муслим).

«Я Аллагь, ттул дин тIайла дацIан дува – мунивури ттул иширттал чул бищай кIану бусса. Ттул дунияллийсса оьрму тIайла бацIан бува – мунивури ттул ялапаршинна дусса. Ттул абадлийсса оьрмугу [ахират] лайкьсса хьун дува – тивунна на зана икIантIисса. Ттул оьрмулуву хъинмур гьарза бува, ттул бивкIугу оьмуния рахIатшивуну хьун бува».

«Аллагьумма инний аоьзу бика мин завали ниъматика ва тахIаввули аьфиятика ва фаджаати никьматика ва джамии сахатIика» (Муслим).

«Я Аллагь, на чIа тIий ура уруччаву Вил неъматру бухлагаврия, Ина буллумур баххана шаврия, хархавар бакъасса танмихIрая ва Вин сси бизан буваймуния».

Ас-Салам кказит: Лак/02/21