Кьуръан – хIикматрал бувцIусса лу

Кьуръандалул луттираву – хIикматшивурттал бувцIусса Заннал каламраву халкьуннан насихIатран бувсун бур цаппара шагьрурдая. Ва макьалалуву бусанну Кьуръандалуву кIицI лавгсса 5 шагьрулия.

Макка

Макка хъанахъиссар дунияллий яла марцIмур ва мубаракмур кIану. Му буссар Саоьд Аьрабнал хIукуматрай. Маккаливри бусса Заннал Къаттану ккаллисса ва циняв бусурман чакливу кIура баяйсса кьибла – Кяъба.Танил лагма буссар дунияллий яла сий думур мизит – Масжидул-ХIарам.

Кьуръандалул «ал-ФатхI» суралул 24-мур аятраву та шагьру кIицI лавгун бур.

Мадина

Мадина ал-Мунаввара (Ясриб) – Аллагь Тааьланал цIимилул бувцIусса шагьрур. Микку увччуну уссар Аллагьнан яла ххирама – МухIаммад Идавс [саллаллагьу алейгьи ва саллям].

Мадиналив буссар циняв бусурманнан ххирасса мизит Масжиду-Набави – идавсил [саллаллагьу алейгьи ва саллям] мизит. Мадина шагьругу буссар Саоьд Арабнал билаятрай, Маккалия ухссавнил чулинмай 430 километралул архшиврий.

Та шагьру кIицI лавгун бур «ат-Тавба» суралул 101-мур аятраву.

Иерусалим

Иерусалим (ал-Кьудс, Байтул-Мукьаддас) – дунияллий яла аьжаивмур, махIатталмур шагьру бур. Ва Палестиннал шагьрулий буссар бусурманнал сий дусса мизитиртава шамулчинмур – Масжидул-Акьса.

Ялагу Иерусалим бавхIуну бур МухIаммад [саллаллагьу алейгьи ва саллям] идавс Миъражрал хьхьуну ссавруннайн гьаз хьусса иширттащал. «Ал-Маида» суралул 21-мур аятраву увкуну бур: «Муса идавсил [аьлайгьи салям] увкуну бур цала миллатрахь. Ва аятраву кIицI ларгсса мубараксса аьрщи – Иерусалимрал аьрщир.