Шяъбан барз

Месяц Шаабан. Наступил священный месяц Шаабан

Шяъбан барз
Шяъбан барз

Шяъбан барз

Наступил священный месяц Шаабан

Шяъбан барз – хъинну ххирасса, даража хъунмасса барзри. Муниву царагу зума дургьуну цума ухьурчагу, мунал чурх цIаран хIарам бувайссар. Алжаннаву Юсуп Идавсил, алейгьи салям, гьалмахчунугу икIайссар. Айюб Идавсин, алейгьи салям, ва Давуд Идавсинуксса, алейгьи салям, чиригу булайссар. Щалва бугьарчарив, мунал сакарагу (рухIиран ивсса чIумалсса бивкIулул захIматшиву) бигьа бувайссар. Гьаттал цIаншивугу яла гьан дувайссар. Мункар-Накирнал ццахханнараягу ххассар шайссар. Кьиямасса кьини мунал аьвратгу чIалан къадикIайссар.

Му зурул хьхьичIрахьхьичIсса цIу зурул хьхьуну ацIния кIира ракааьт суннатрал дуварча, «АлхIам» бувккуну махъ гьарца ракааьтрай ххюйлва «Кьулгьугу» буклай, ацIния кIиазара шагьиднануксса чири буссар. АцIния кIира шинай эбадат дурссаксса чири булайссар. Ниттил увсса кьини куна бунагьрая марцI шайссар. Муния тихунмай мяйцIалва гьантлий мунал хатIагу къачичайссар.