Бисмиллагь

Достоинство произношения Бисмиллагь.

«Бисмиллагь» учаврил агьамшиву.
«Бисмиллагьи-р-рахIмани-р-рахIим» тIисса мукъурттийну жува Аллагьнахь чIа тIиссару давриву барачатшиву, бигьашиву, оьмуния буруччаву. Кьуръандалул ца сура личIаннин циняв байбихьлай бур вай мукъуртия. Идавсил ﷺ чагъар чичайнигу «Бисмиллагь» куну байбишайсса бивкIссар. Мунин бувну, вай махъру учаврил агьамшиву хъуннассар.

«Бисмиллагь» гьарца иширачIа увкуну хъинсса бунугу, буссар ляличIину агьамшиву дусса кIанттурдугу.

1. Къатлува уккайни
Шаппату бувккун нанисса чIумал жува ци дуллан бикIару? Лаххару ххуйсса янна-ус, гьарца аьркин хьунмур жущала ласару, къатлул нуз аьнт дувару, хъус мючанну дикIаншиврул. Му чIумал «Бисмиллагьи-р-рахIмани-р-рахIим» учирча, инавагу мюхчанну икIантIиссара, махъунай зана хьуннин. ХIадисраву бувсун бур ичIувату уккайни укунсса дуаь дуккин аьркиншиву: «Бисмиллагьи, таваккалту аьла-Ллагь ва ла хIавла ва ла кьуввата илла би-Ллагь».

2. Дукра дукайни
Цуксса ккашилну, анаварну бунугу, «бисмиллагь» учин хъама мабитаванну. Расулуллагьнал ﷺ увкуссар: «Дукра кананнин «бисмиллагь» уча, канаку урчIамур каних, вила хьхьхьичIмур дуки».

3. Къашай хьувкун
Чурххал базу цIун бивкIсса чIумал муний кагу дирхьуну шамилва «Бисмиллагь» увкуну яла арийлла ва дуаь дурккуну хъинссар: «Аоьзу биллагьи ва кьудратигьи мин шарри ма ажиду ва ухIазиру».

4. Лас ва щар цачIун шайни
Му чIумал укунсса дуаь дуккайссар: «БисмиЛлагьи. Аллагьумма жаннибна щайтIана ва жанниб-и-щайтIана ма разакьтана».

5. Жаназа гьаттаву дишайни
Цала асхIабтал гьаттаву бишайни МухIаммад Идавсил ﷺ учайсса бивкIссар: «Бисмиллагьи ва аьла миллати расулиллагьи».

6. ХIайван биххайни
Жунма кIулсса куццуй, бусурманчувнан къабучIиссар дукан Исламрал тIалавшинна биттур къадурну бивхсса хIайвандалул дикI. Бусурман акъаманал бивхсса хIайван хIарамссар (дикI чапур шайссар). Жула диндалийн бувну, хIайван бихлахисса чIумал «Бисмиллагьи Аллагьу акбар» увкуну хъинссар.

Гьарца даврил хьхьичI «Бисмиллагь» учаву – бусурманнал оьрмулул низамри. Мунийну жува буруччинтIиссару щяйтIаннул макрурдая, Аллагь жуятува рязи хьунтIиссар.