Шанна къурхъ

Поучительный рассказ на лакском языке

Шанна къурхъ
Шанна къурхъ

Шанна къурхъ

Шанашаву

Шанашаву – Аллагьнал жунма буллусса ца неъматри. Шанашисса чIумал чурх бигьа лагай, хъиривмур кьини давуртту, хъинбаларду, эбадатру дуллансса гуж зана бикIай. Амма инсан цала курчIилшиврул, танмалшиврул хьхьури дархIуну ухьурча, му неъмат балану кIура баян бюхъайссар.

ДакIнин бутияра, зула кIюрххил чак шанай цимил личIан бувссарив? Имам аль-Бухарил ва Муслимлул луттирдавусса МухIаммад Идавсил [саллаллагьу алейгьи ва саллям] хIадисраву увкуну бур (мяъна):

«Шанашиманал къинттуллух щяйтIаннул шанна къурхъ дутайссар: "Хьхьу лахъиссар, шанашу!" – тIий. Му инсан кIюрххил чаклийн чантI увкуну, Аллагьнал цIа зумух ласурча – ца къурхъ ттирихIинтIиссар, чаклин иссурча – кIилчинмур ттирихIинтIиссар, чак буварча – шамилчинмургу ттирихIинтIиссар. Му куццуй, инсан кIюрххил изантIиссар тивтал буну, зирангну ва рязину. Акъахьурча (шанай личIарча) изантIиссар хIал бакъа, юр къабавкьуну».

Мунин бувну, хъинну агьамсса задри чантI учайхту Аллагьнал цIа кIицI лагаву ва дуаь дурккуну:

«АльхIамдулиллагьи ллази ахIъяна бяъда ма аматана ва илайгьи-ннушур». 

Яла иссавугу дурну, цила чIумал чак буван аьркинссар.

Чаклия дайдирхьусса кьини барачатну, лябукку ва мюнпат буну гьантIиссар, иншааЛлагь.