Дуа которое избавит вас от долгов

Ва макьалалуву кIицI лаганну захIматсса иширавун, буржирдавун агьманал дуккайсса дуаьрду

ТIааьн бакъасса иширавун, захIматшиврувун къаагьайсса инсан къаикIай. Цал-цал хьулвагу бакъасса чулуха кумаг бучIай, мува куццуй жапашивугу ялун дияй.

Бусурманчунал бакIрачIан ци бучIарчагу, му хIадурну икIан аьркинссар. ХIадуршиннараву яла хъинмургу – Заннайн таваккал бувтун, дуаь дуллай, Аллагьнайн хьул бивхьуну икIавури.

• «Аллагьумма кфини бихIалялика аьн хIарамика ва агънини бифазлика аьмман сивака».

اللَّهُمَّ اكْفِنِي بحَلالِكَ عَنْ حَرَامِكَ، وَأَغْنِنِي بفَضْلِكَ عَمَّنْ سِوَاكَ

Мяъна: «Я Аллагь! ХIалалмуних на хIараммуния уручча ва Инава акъа цаманайн мюхтаж шаврия ххассал ува» (Тирмизи).

• «Бисмиллягьи аьля нафси ва мали ва дини. Аллагьумма раззини бикьазаика ва барик ли фи ма кьуддира ли хIатта ля ухIибба тяъжиля ма аххарта ва ля таъхира ма аьжжальта».

بِسْمِ اللهِ عَلَى نَفْسِي وَمَالِي وَدِينِي، اَللَّهُمَّ رضِّنِي بِقَضَائِك، وبَارِكْ لي فِيمَا قُدِّرَ لِي حَتَّى لَا أُحِبَّ تَعْجِيلَ مَا أَخَّرْتَ وَلَا تَأْخِيرَ مَا عَجَّلْتَ‏

Мяъна: «Ттула, ттул хъуслил ва диндалул ялув Аллагьнал цIанищал. Я Аллагь, на Вила чичрулия рязи ува, ттун нясивмуний барачат биша. Ина махъун дуртмур анавар дуккан дайману ва анавар дурмур махъун дутан ччиману хьун на маував» (Ибн ас-Сунни).

• «Аллагьумма инни аоьзу би важгьика-ль-карим ва исмика-ль-аьзим мина-лькуфри ва-ль-факьри».

اللَّهُمَّ إِنِّي أَعُوذُ بِوَجْهِكَ الْكَرِيمِ ، وَاِسْمِكَ الْعَظِيمِ ، مِنَ الْكُفْرِ وَالْفَقْرِ

Мяъна: «Я Аллагь, Вил хъуншивруйну ва Бюхттулсса ЦIанийну чIа тIий ура уруччаву чапуршивруя ва мискиншивруя» (Тирмизи).

• Аллагьумма инни аоьзу бика мина-ль-гьамми ва-льхIазани ва аоьзу бика миналь-аьжзи ва-ль-касали ва аоьзу бика мина-ль-жубни ва-ль-бухли ва аоьзу бика мин гъалябати-д-дайни ва кьагьри-р-рижал».

اللَّهُمَّ إِنِّي أَعُوذُ بِكَ مِنْ الْهَمِّ وَالْحَزَنِ، وَأَعُوذُ بِكَ مِنْ الْعَجْزِ وَالْكَسَلِ، وَأَعُوذُ بِكَ مِنْ الْجُبْنِ وَالْبُخْلِ، وَأَعُوذُ بِكَ مِنْ غَلَبَةِ الدَّيْنِ، وَقَهْرِ الرِّجَالِ

Ца чIумал МухIаммад Идавсин [саллаллагьу алейгьи ва саллям] мизитраву хьуна авкьуну ур Абу-Умама тIисса асхIаб. Идавсил [саллаллагьу алейгьи ва саллям] цIувххуну бур:

«ЦIана чаклил чIун дакъархха, ина шиву ци дуллай ура?» – куну. «На буржирдавун, захIматсса тагьарданувун агьну ура!», – куну бур асхIабнал. Микку Идавсил [саллаллагьу алейгьи ва саллям] кIюрххил ва гьанттайннай дулукки увкуну лахьхьин дурну дур му дуаь.

Мяъна: «Я Аллагь, на Вихь чIа тIий ура уруччаву буруккинная ва пашманшивруя, хъунав шаврил заэвшивруя ва танмалшивруя, мяшшивруя ва иттарцIаншивруя, буржирдавун ва чил биялдаралун агьаврия».

Мунияр махъ Абу-Умама [разияллагьу аьнгьу] буржирдал гьивулуща ххассал хьуссар. (Абу Давуд).