Дунияллул ххуйшиву - рувхlанийсса ххуйшивур
Назму, Патlимат Рамазанова
Патимат Рамазанова 
Дунияллул ххуйшиву- рувхlанийсса ххуйшивур
Дунияллул ххуйшиву – рувхlанийсса ххуйшивур,
Щукру ва ххуллийн нава тlайла бувсса Аллагьнайн,
Лирцlусса ссав кунмасса диндалул ссурвалгу бур,
Чанна дакlурдил чаннал чирахъру лахъан кlулсса.
Щукру дардгу дуллусса, оьрмулул мяъна кlучlин,
Цlаннал хъиривсса чаннал тlилисин яргну чlалан,
Щукру цlаннава бувксса оьрмулул кьимат бувчlин,
Цlурттал нур дусса ислам дакlнил куртlний цlакь дуллан.
Щавулий ка дирхьуну щукру буван лавхьхьунни,
Щавулий ка дишайма , я ттул Аллагь Тааьла,
Я цlаннаву, я дякъий навалу къабитайма,
Язисса чаннал тlинттах дакlру тирх учин дайма.
Дунияллул ххуйшиву - рувхlанийсса ххуйшивур,
Щукру бусса дакlниву рувхlанийсса тавхана,
Я ттул ххирасса Аллагь, исламрахсса ччаврилли ,
Дуниялгу, оьрмугу бургъил рангирайн щайсса.
Патlимат Рамазанова
