Буркив шахьлай дур бава
Стихотворение на лакском языке
Патимат Рамазанова 
Буркив шахьлай дур бава
Буркив шахьлай дур бава
ХъуручIул рангсса гъунттуй
Буркив шахьлай дур бава.
ДюрчIун ххялчIилул махьлий
ЦIаран лахълай дур цIайнна.
Экьи нани нисирал
Лиссусса буркив бутлай,
КIирисса гъунттул ланттай
Яла мий занабитлай.
Гьаз буллай,зана битлай,
Лях гъуни аццух лихьлай,
ПуркIурал ттуруллаву
Бавал зий дулукьаву!
Яругу бур мукьал най,
ЧIаврдугу ятIул дичлай,
ЦIайннарал цIарал чаннай
ХIазну дур бава чIалай.
Ца канихь-муххал къяцIа,
Гамунихь-тIаннул урцIи,
Ччинан тамахI багьансса
Буркив шахьлай дур бава!
Хъюву къялланчарийсса
Гъунттуйн ябивуннихха
Мусий-симийлувкунна
Бава хьхьичI дацIантIиссар!
ПатIимат Рамазанова
