Идавсил саллаллагьу алейгьи ва саллям насихlат

Наставление пророка Мухаммада саллаллагьу алейгьи ва саллям. Последний хадж Пророка Мухаммада саллаллагьу алейгьи ва саллям

Идавсил саллаллагьу алейгьи ва саллям насихlат
Идавсил саллаллагьу алейгьи ва саллям насихlат

Наставление пророка Мухаммада саллаллагьу алейгьи ва саллям

МухIаммад Идавсил саллаллагьу алейгьи ва саллям, цалва оьрмулуву махъва-махъсса хIаж бувну махъ, Аьрафат даралуву инсантурахь насихIат бувссар, цала дуниял кьадитансса чIун гъан хъанай душиву кIулну.

Идавсил, саллаллагьу алейгьи ва саллям, увкуссар

«Я инсантал! Хъинну вичIи дишара! Шикку буминнал вичIи дирхьуну, бакъаминнахьгу бусияра ттул махъру, ва зун махъва-махъсса насихIатрича!

Я инсантал! Кьуръандалуву чивчусса Аллагьнал амрурду биттур буллалияра: хIалалмур ласияра, хIараммуния махъунмай шияра. Зула цашиву лиян мадувари, хIакьмуния мабяйкьари, тIайласса ххуллу бугьияра!

Я инсантал! Аллагьная нигьа бувсун бикIи. Хъаннил чулухуннай тIайладакъашиву мадувари. Зущалва зувагу тIайла бакъа мабикIару!

Я инсантал! Зувагу зула оьрчIругу дуржагьрал цIарая буруччияра! Миннан Аллагьнал ва Идавсил, саллаллагьу алейгьи ва саллям, ккаккан бувсса ххуллу лахьхьин бувара!

Я инсантал! МютIийну бикIияра хъуниминнайн, бакIчитурал тIимур булувара. Цала бакIчинайн мютIийма ттуйн мютIийссар, ттуйн мютIийма Аллагьу Тааьланайн мютIийссар.

Я инсантал! Ттул хъирив наниминнал хIурмат бувара. ДакIних Кьуръан кIулми ххирану бикIияра, Кьуръандалул тIисса куццуй оьрму бутияра.

Я инсантал! Кьинилун ххюва чак булувара. Багьайсса куццуй чаклин биссаву дулувара. Чак бувара циняв шартIругу дурурччуну, дакIнихтуну.

Я инсантал! Зула хъуслияту закат булара.

Я инсантал! Каши дусса бусурманнай Аллагьнал ялув бивхьусса хIаж баву – щак бакъасса буржри.

Я инсантал! Зула мазру чапал мабулларди. Аллагьнахлуну иттату макь дутIлатIи! Аллагьнахлуну зула дакIру гьарца чапалшивруя марцI дувара. Зула чурххан захIматшиву кIул дувара. Зула иман марцI дуллали. Зула уссурвал – бусурмансса агьлу – тIайла бацIан буллали, миннан салихIсса ххуллу ккаккан бувара».

Яла Идавсил саллаллагьу алейгьи ва саллям, цинявннахь цIувххуссар:

  • – На вай насихIатру зун баян буврив?
  • – Бувунни, я Аллагьнал Идавс саллаллагьу алейгьи ва саллям, - увкуссар халкьуннал.
  • – Я Аллагь! Ина барашинна дува! – увкуссар Идавсил саллаллагьу алейгьи ва саллям.